छायांकित दिवाळी अंक २०२५ (पोस्टमन)
मराठी साहित्य क्षेत्रात प्रथमच "पोस्टमन" या विशेष व्यक्तिमत्त्वावर आधारित दिवाळी अंक प्रकाशित होत आहे. छायांकित दिवाळी अंकाचे संपादन भूषण सहदेव तांबे यांनी शब्द शंकरपाळी प्रकाशनातर्फे केले आहे. कथा, कविता, लेख, कला आणि मनोरंजन अशा पाच विभागात दिवाळी अंक तयार करण्यात आला आहे. महाराष्ट्र आणि गोवा राज्याचे टपाल कार्यालयाचे सर्वोच्च अधिकारी माननीय अमिताभ सिंह, कामगार नेते माननीय अभिजित राणे, माननीय खासदार डॉ. निलेश लंके यांनी या दिवाळी अंकाचे कौतुक करून शुभेच्छा पत्र दिले आहे.
महाराष्ट्राच्या विविध जिल्ह्यातून, गोवा, गुजरात, राजस्थान, तसेच अमेरिकेतून मराठी भाषिक साहित्यिकांनी या दिवाळी अंकात सहभाग नोंदविला आहे. राजश्री भावार्थी, प्राजक्ता खेडेकर, गौरी कुलकर्णी, रसिका तुपे, प्रज्ञा वझे, हेमलता निगडे यांच्या कथा, निशा काळे, शिवाजी जाधव, कविता मोरवणकर यांच्या कविता मृगनयना भजगवरे यांची लावणी, पल्लवी येवले आणि युवराज्ञी सोनवणे यांचा पोवाडा, प्रदीप बडदे आणि बबन धुमाळ यांच्या गजला, सरोज गाजरे, लक्ष्मी यादव यांचे लेख, राघवेंद्र वंजारी यांचे विनोद, अंकिता चव्हाण, अरविंद झाडे आणि गौतम दिवार यांच्या चित्रकला, शलाका कोठावदे, सारंग सबनीस यांचे मनोरंजन, काशीराम खरडे यांची व्यंगचित्रकला तर विघ्नेश पाष्टे यांची ग्राफिक्स डिझायनिंग या दिवाळी अंकाचे विशेष आकर्षण ठरले आहे आणि अशा विविध मान्यवरांच्या योगदानाने हा अंक तयार होऊन लोकार्पणास सज्ज झाला आहे.
संपादक: भूषण सहदेव तांबे
पाने: १३२
मूल्य: रु.३००/-
